•  
  •  
  •  
  •  
  •  
  •  
  •  
  •  
  •  
  •  

VOORTREKKERS

Christine Kennedy, 'n graad 12-leerling het die Nasionale Presidentsverkennertoekenning by die Voortrekkers ontvang. Om as 'n presidentsverkenner aangewys te word moet hulle aan die vereistes van die Presidentsverkennerproses voldoen het. Die proses sluit in die bywoning van ‘n sekere aantal Gebiedskampe, die suksesvolle voltooiing van ‘n sekere aantal spesialisasies en take, goeie getuigskrifte van die skool, kerk en Voortrekkerkommando en ‘n vereiste aantal jare diens in Die Voortrekkers. Tweedens, die slaag van die Nasionale Presidentsverkenner teoretiese eksamen wat in Aprilmaand geskryf is. Derdens die suksesvolle voltooiing van die Nasionale Presidentsverkenner Afrondingskamp wat nou in Juliemaand gehou is. Die Presidentsverkennertoekenning is ‘n nasionale toekenning vir kulturele leierskap.

 

Daarby het Burger Cronje die Bobaasverkennersertifikaat van Die Voortrekkers verwerf.


Burger en kie Voortrekkers resize

Burger Cronje en Christine Kennedy