•  
  •  
  •  
  •  
  •  
  •  
  •  
  •  
  •  
  •  

SKIET: SUID-AFRIKAANSE SKIETKAMPIOENSKAPPE SEPTEMBER 2017

Twaalf skuts het gedurende die September vakansie as deel van die Noord-Kaap Skietspan aan die Suid-Afrikaanse Skietkampioenskappe deelgeneem.

Carmi van Wyk en Hannes de Beer is gekies vir die o.14 A Veergeweerspan en die span het 'n eerste plek op die kampioenskappe losgeskiet. Carmi en Hannes ontvang 'n goue spanmedalje en is onderskeidelik eerste en tweede in die land. Carmi wen 'n goue medalje in die drie posisie en in die 10 meter en is eerste in die o.14 klas. Sy ontvang ook Protea klere vir skiet. Hannes wen 'n silwer medalje in die drie posisie en is algeheel tweede in die land.

Ryno Brink en Hano Jordaan is gekies vir die o.16 Veergeweer A-span.  Hulle span behaal die derde plek in hul klas en Ryno en Hano ontvang brons medaljes vir die span posisie. Ryno is vyfde in die land en Hano 23ste.

Dirkie Human, Schalk van Blerk en Andreas Engelbrecht is vir die o.21 A veergeweer span gekies. Die span is derde in hul klas en al drie wen brons medaljes vir hul span posisie. Dirkie wen 'n silwer medalje in die drie posisie en eindig vierde in die land. Schalk wen 'n brons medalje in die 10 meter en eindig negende in die land. Andreas eindig 11de in die land.

AJ van Niekerk is gekies vir die o.14 sportergeweer span. Hy eindig 13de in die land.

Carine van Niekerk is gekies vir die o.16A sportergeweer span. Sy eindig 12de in die land.

Koos Strauss is gekies vir die o.21 A sportergeweer span. Hy eindig 52ste in die land.

Burger van der Merwe en Wian van Blerk is vir die o.16 B veergeweer gekies. Burger eindig 18de in die land en Wian agste.

Nico Olivier en Hermi Schreuder is vir die o.21B veergeweer span gekies. Nico eindig 14de in die land en Hermi 10de in die land,

Ongeveer 450 skuts per ouderdomsgroep het aan die kampioenskappe deelgeneem.

 

Carmi Hanno en kie resize 

Van links is Hano Jordaan, AJ van Niekerk, Carine van Niekerk, Ryno Brink, Hermie Schreuder, Koos Strauss, Hannes van Blerk, Burger van der Merwe, Andreas Engelbrecht, Wian van Blerk, Carmi van Wyk en Dirkie Human. Afwesig met neem van foto: Schalk van Blerk en Nico Olivier.