•  
  •  
  •  
  •  
  •  
  •  
  •  
  •  
  •  
  •  

WETENSKAP EKSPO EN BRUGBOU

Twee leerlinge van ons leeders gaan in Beijing in China aan die Internasionale Wetenskap Ekspo deelneem.

Om gekies te word vir die eer het Marilet Knoesen en Marlizaan Saunderson, twee graad 11-leerlinge alreeds in 2017 aan die Eskom Wetenskap Ekspo vir jong wetenskaplikes deelgeneem. Op 4 Augustus het hulle goud ontvang tydens die eerste rondte en is hulle taak aangewys as die beste taak vir senior meisies. Hulle taak is toe gekies om in Johannesburg vanaf 3 tot 6 Oktober by die International Science Fair deel te neem. Hier het hulle 'n silwer toekenning ontvang en skooltoerusting ter waarde van R39 000 vir hul skool gewen.

Die prestasie het hulle op die kortlys geplaas van projekte wat moontlik Suid-Afrika in Beijing kan gaan verteenwoordig. Van die 524 projekte wat ingeskryf is, is slegs 49 op die kortlys geplaas.

Na onderhoude wat in Kimberley plaasgevind het, is die kortlys van 49 na 21 projekte verminder. Na lang weke en maande van werk saam met ingenieurs en verskeie modifikasies aan hulle projek het hulle uiteindelik gehoor dat hulle deel vorm van die finale groep wat na Beijing gaan reis.

Marlizaan en Marilet het al verlede jaar besluit hulle taak moet mense kan help. '' Ons het na baie navorsing en kontak met dokters en pastiente met amputasies gepraat en gevra wat die algemeenste probleem was en dit was dat hulle baie pyn in die winter het. Ons het toe besluit om n verhitte prostese te ontwerp. Aanvanklik was dit n baie eenvoudige taak. Ons het die been gedeelte uit glas vesel gebou en dan n draad wat warm word ingesit. Wanneer jy die draad dan aan die battery koppel word dit warm.''

Na maande van raad van enginieurs het die taak intussen baie meer kompleks geword. ''ons het raad deur die Eskom paneel gekry dat ons Projek nou nie net mag verhit nie maar ook moet verkoel kan word.''

''Ons het nagte omgewerk en met ons ongelooflike ondersteunings netwerk – ouers, vriende, onderwysers en die Hoërskool Duineveld het ons tot op hierdie stadium al 5 verskillende material gebruik om die beste moontlike materiaal te kry vir die been.''

Marilet en Marlizaan het die week van 5-9 Februarie Bloemfontein toe gegaan om alles finaal klaar te maak. Hulle het die voorreg gehad om saam met doktors, professore en student besig met hulle honeurs te werk by CUT.   '' Daardie hele week was maar rof want elke keer as ons dink ons het uiteindelik die oplossing gekry was daar net een klein dingetjie wat nie gewerk het nie en moes ons weer van vooraf begin. Ons het om en by 13 bene gebou en gebreek voordat ons by ons eind resultaat uit gekom het.''

Die hele ervaring was besonders verrykend vir die twee innoverende Velties. '' Ons groot droom is om eendag hierdie projek verder te vat en met die hulp van baie mense dit vervaardig en verkoop. Ons is verseker daarvan dat mense wat amputasies ondergaan het se lewens vergemaklik sal word deur die projek.''


Marlizaan en Marilet resize 

                 Van links is Marlizaan Saunderson en Marilet Knoesen.



BRUGBOU

Op 27 Februarie is ons jaarlikse brugbou kompetisie aangebied. Altesaam 24 spanne het vanjaar ingeskryf.
Die brug gebou deur AJ Kruger, Niel Oosthuizen en Christiaan Maree het slegs 155 gram geweeg en kon 40 kg dra voordat die brug gebreek het. Die eerste drie spanne gaan nou aan die streekskompetisie deelneem wat later vanjaar gaan plaasvind.

Niel AJ en Christiaan resize 

Van links is Niel Oosthuizen, AJ Kruger en Christiaan Maree met hulle wenbrug.