•  
  •  
  •  
  •  
  •  
  •  
  •  
  •  
  •  
  •  

SWEMGALA 2017

Die jaarlikse kleure swemgala het op Dinsdagaand, 17 Januarie plaasgevind. Vanjaar het die gees behoorlik hoogty gevier en die kleure spanne het mekaar opdraende in en om die swembad gegee.

Die swemgala is vanjaar deur die blou span gewen na 'n titaniese kop-aan-kop stryd.

Die wenners van die onderskeie ouderdomsgroepe is Zani Smit en Manie Hanekom in die o.14 ouderdomsgroep, Danie de Beer, Shene le Roux en Duane le Roux in die o.15 ouderdomsgroep, Mia Benade en Davey Botha in die o.16 ouderdomsgroep, Elizna Reynecke en Chris van der Merwe in die o.17 ouderdomsgroep en Aletta Matthee en Henlu Liebenberg in die o.19 ouderdomsgroep.

Die swemgala word elke jaar afgesluit met die Spur Matriekaflos. Die eerste lid van die aflosspan moet 'n lengte swem, 'n burger eet en nog 'n lengte swem voordat die volgende swemmer induik. Swemmer nommer twee swem 'n lengte, drink 'n melkskommel en swem dan nog 'n lengte. Swemmer nommer drie swem 'n lengte, eet 'n pakkie skyfies en swem nog 'n lengte. Die vierde swemmer moet 'n gaskoeldrank tussen sy twee lengtes drink.

Vanjaar se wenners van die Spur Matriekaflos was die rooi seuns span bestaande uit Jovan Oosthuizen, Henlu Liebenberg, DS Janse van Rensburg en Istvan Mayer. Die blou meisies span bestaande uit Mariska Cilliers, Melinda du Toit, Lara Barnard en Levonne Groenewald het gewen.

 

Elize resize 

Elize Human (voor) en Joline van Zyl tydens die o.17 vrysslag

 

Mariska resize 

Mariska Cilliers en Carina Reynecke is al in matriek, maar het al
die hulp moontlik nodig gehad om hulle wedren te wen.

 

Duik resize 

Davey Botha was die algehele wenner in die o.16 ouderdomsgroep.

 

Spur resize 

Die ouderdomsgroepwenners: Van links is Manie Hanekom,
Danie de Beer, Henlu Liebenberg, Alwyn van Aswegen (Spur),
Aletta Matthee, An'mari Liebenberg, Elizna Reynecke, Duane le Roux
en Zani Smit.

 

Ruan resize 

Ruan Theron en Chris Smit eet so vinnig as moontlik tydens die
Spur Matriekaflos.